Amma Lo-fi: Kjallaraspólur Sigríðar Níelsdóttur, 2011

Uppúr sjötugu fór Sigríður Níelsdóttir að taka upp og gefa út sína eigin tónlist beint úr stofunni heima. Á sjö árum urðu geislaplötur hennar 59 talsins, litlar fjársjóðskistur af sérviskulegum, grípandi tónsmíðum þar sem fléttast saman ólíkar hljóðuppsprettur; mjálm og korr gæludýra Sigríðar, ýmiss konar leikföng, eldhússlagverk og Casio-hljómborð. Áður en leið á löngu varð þessi einstaka tónlistar- og myndlistarkona dáð költ-fígúra meðal íslenskra tónlistarmanna, en nokkrir þeirra votta ómótstæðilegum lagstúfum þessarar sjarmerandi ömmu virðingu sína í myndinni með stuttum performönsum. Fulltrúar aðdáenda Sigríðar í myndinni eru: Hildur Guðnadóttir, Mugison, múm, Sing Fang, Mr. Silla og Kría Brekkan.

Amma Lo-fi er frumraun þriggja tónlistarmanna á kvikmyndasviðinu. Myndin var að mestu skotin á Super-8 og 16 mm filmu á sjö árum og fangar kreatívasta tímabilið í lífi Sigríðar Níelsdóttur. Á margan hátt minnir Sigríður á teiknimyndafígúru. Ljóðræn uppátæki á borð við það að fóstra vængbrotnar dúfur sem syngja fyrir hana í staðinn eða það að breyta rjómaþeytara í þyrlu, kalla á teiknaðar hreyfimyndir sem brúa óljóst bilið á milli einstaks ímyndunarafls Sigríðar og ljómandi óvenjulegri hversdagstilveru hennar. Amma Lo-fi er kvikmyndaður óður til stórkostlegrar tónlistarkonu og óviðjafnanlegs sköpunarkrafts hennar.

Um myndina

Aðstandendur og starfslið

Leikarar

Fyrirtæki

Þátttaka á hátíðum

Sýningar í sjónvarpi

Sýningar í kvikmyndahúsum

Tagged , , , ,