Wift konur létu ekki storminn stoppa sig í gærkvöldi og héldu á aðalfund Wift á Hallveigarstöðum. Á fundinum tók við ný stjórn Wift. Frá árinu 2011 hafa leikstjórarnir Kristín Jóhannesdóttir, Marsibil Sæmundardóttir, Silja Hauksdóttir og Vera Sölvadóttir setið í stjórn Wift ásamt Dögg Mósesdóttur sem hefur gengt formannsembættinu. Í nýrri stjórn Wift sitja Eva Sigurðardóttir (framleiðandi, handritshöfundur og leikstjóri), Helga Einarsdóttir (sjónvarps- og kvikmyndagerðarkona), Tinna Hrafnsdóttir (leikstjóri, handritshöfundur og leikkona) og Dögg Mósesdóttir ( leikstjóri og handritshöfundur) en nýr formaður er Helga Rakel Rafnsdóttir (leikstjóri, handritshöfundur og framleiðandi). Við þökkum fráfarandi stjórn fyrir vel unnin störf og óskum nýrri stjórn velfarðnaðar í starfi.

Í vor efndi Wift og Doris Film á Íslandi til handritasamkeppni meðal kvenna. Doris film verkefnið er aðlögun að sænsku verkefni sem hófst árið 1999 og ól af sér níu stuttmyndir og kennsluefni um kynjahlutföll í kvikmyndum og nú liggja úrslit fyrir. Í Svíþjóð komu inn 406 tillögur í keppnina sem fór þvert á það sem kvikmyndamiðstöð þar í landi hafði haldið fram; að konur bara skrifi ekki. Doris Film á Íslandi hlaut styrk úr Framkvæmdasjóði til jafnréttismála sem varð til þess að verkefnið fór af stað hér á landi en verkefnastjóri er Dögg Mósesdóttir. Þátttakan hér heima fór fram úr björtustu vonum en alls bárust 102 sögur keppninni sem er enn betri árángur en í Svíþjóð ef miðað er við hina "frægu" höfðatölu. Sett var saman 10 manna dómnefnd, framleiðenda, leikstjóra og handritshöfunda. Kynjahlutföll dómnefndarinnar voru öfugt við það sem tíðkast í kvikmyndageiranum, 8 konur og 2 karlar en oft er talað um að aðeins 20% starfa innan kvikmyndageirans séu í höndum kvenna. Dómnefndina skipuðu framleiðendurnir Anna María Karlsdóttir, Guðrún Edda Þórhannesdóttir, Hanna Björk Valsdóttir, Hlín Jóhannesdóttir, Hrönn Kristinsdóttir, Rakel Garðarsdóttir, Nanna Kristín Magnúsdóttir, Baldvin Z leikstjóri og Óttar M. Norðfjörð handritshöfundur. Sautján handrit hlutu hæstu einkunn dómnefndar en af þeim voru ellefu valin til úrslita. Samkeppnin var nafnlaus í fyrstu umferð, en allar sögur þurftu að hafa a.m.k eina kvenpersónu í aðalhlutverki. Verkefnið verður unnið í samvinnu við Noreg og stefnan er að í kringum 5 handrit fari í framleiðsluferli. Myndirnar verða unnar eftir Doris Film sáttamálanum þar sem allar myndirnar eiga að hafa, í það minnsta, eina konu í aðalhlutverki, allar listrænar ákvarðanir og aðalábyrgðarstöður eiga vera í höndum kvenna og öll frumsamin tónlist á að vera samin af konum. Wift og Doris Film á Íslandi vilja þakka öllum sem tóku þátt en margar góður sögur bárust keppninni sem geta vonandi átt framhaldslíf utan Doris. Við birtum hér annars vegar lista yfir þær 17 sögur sem fengu hæstu einkunn hjá dómnefnd og hins vegar þær 11 sögur sem komust áfram í úrslit: Borgarbarnið Júlía, Andartakið, Geymt en ekki gleymt, Græðlingur, One of them, Qividoq, Sex á stofu, Type and release, Uppljómað sálarástand klaufdýra, Þessi besti aldur, Frosin, Endurfæðing, Eikí Breikí Hjarta, Illska, Kvalfjörður, Sublime-inal, Dúfnaskítur á reglugerðunum Af þessum sögum komust eftirfarandi 11 sögur í úrslit: " Borgarbarnið Júlía" eftir Bjargeyju Ólafsdóttur, "Andartakið" eftir Ástu Hafberg, "Geymt en ekki gleymt" eftir Brynju Dögg Friðriksdóttur, "Græðlingur" eftir Elsu Maríu Jakobsdóttur, "One of them" eftir Evu Sigurðardóttur, "Qividoq" eftir Sóleyju Kaldal, "Sex á stofu" eftir Ásdísi Sólrúnu Halldórsdóttur, "Type and release" eftir Söru Sigurbjörns- og Öldudóttur, "Uppljómað sálarástand klaufdýra" eftir Lilju Sigurðardóttur, "Þessi besti aldur" eftir Ísgerðir Elfu Gunnarsdóttur og "Frosin" eftir Ýr Þrastardóttur Við óskum höfundum innilega til hamingju!

DORIS FILM, í samstarfi við Women in Film and Television (WIFT) í Noregi, Women in Film and Television (WIFT) á Íslandi, býður íslenskum og norskum konum til handritasamkeppni fyrir stuttmynd en verkefnið hlaut styrk úr Framkvæmdasjóði jafnréttismála. Frestur til að senda inn tillögur er 1.maí næstkomandi 2014. Samkeppnin er opin öllum konum og er beðið er um 1 A4 síðu tillögu að stuttmyndahandriti. Fagnefnd velur síðan úr hugmyndum sem komast áfram og fara í gegnum þrjú þróunarstig þar til fimm handrit í hvoru landi eru tilbúin til framleiðslu. Allar myndirnar verða að vera með a.m.k eina konu í aðalhlutiverki. Samkeppnin er nafnlaus í fyrstu umferð. Skila má gögnum á íslensku, norsku eða á ensku með því að senda tölvupóst á wift@wift.is. Allar nánari upplýsingar má nálgast hjá verkefnastjóra á Íslandi Dögg Mósesdóttur, sími 77005777 eða á doggmo@yahoo.com. Nánar um Doris Film Dorisfilm verkefnið er aðlögun að sænsku verkefni sem hófst árið 1999 og ól af sér níu stuttmyndir og kennsluefni um kynjahlutföll í kvikmyndum. Í Svíþjóð komu inn 406 tillögur í keppnina sem fór þvert á það sem kvikmyndamiðstöð þar í landi hafði haldið fram; að konur bara skrifi ekki. Markmiðið er að rannsaka hvernig sögur líta dagsins ljós þegar konur bera ábyrgð á öllum lykilhlutverkum í kvikmyndagerð og þegar konur eru í aðalhlutverki sem söguhetjur. Verkefnaáætlun Dorisfilm Verkefnið verður unnið jöfnum höndum á Íslandi og í Noregi. Reiknað er með að framleiða átta til tíu stuttmyndir auk heimildarmyndar þar sem fylgst verður með verkefninu. Stuttmyndirnar níu verða sýndar hver fyrir sig auk þess sem þær verða settar saman í kvikmynd í fullri lengd og sýndar í sjónvarpi, á hátíðum og í kvikmyndahúsum víðsvegar um heim og einnig á netinu. Reiknað er með að verkefnið taki að minnsta kosti þrjú ár.

Doris Archives

Q: Tinna leikstýrir "Mundu"

Tökum á stuttmyndinni “Munda” lauk í gær en handritið er eftir listakonuna og skáldið Bergþóru Snæbjörnsdóttur. Tinna Hrafnsdóttir leikstýrir myndinni og Freyja Filmwork framleiðir en meðframleiðandi er Pegasus. Í aðalhlutverkum eru stórleikararnir Guðrún Gísladóttir og Sigurður Sigurjónsson og danska tökukonan Louise McLaughlin tók myndina. Munda er önnur myndin af fimm Doris Film verkefnum Wift sem fer í framleiðslu. Doris Film verkefnið er eftir sænskri fyrirmynd en allar myndir sem framleiddar eru undir formerkjum Doris Film, verða að hafa konur í öllum lykilhlutverkum fyrir framan og aftan myndavélarnar. Doris Film á Íslandi byrjaði með handritasamkeppni kvenna þar sem 11 handrit af 102 voru valin og þróuð áfram og að lokum komust 5 handrit í lokaúrslitahópinn. Stuttmyndin “Regnbogapartý” eftir Evu Sigurðardóttur framleidd af Askja Films var fyrsta Doris myndin sem var fór í framleiðslu og hefur nú unnið til fjölda alþjóðlegra verðlauna. Undirbúningur fyrir tökur á næstu Doris film er að hefjast en handritið er eftir Brynju Dögg Friðriksdóttur og mun Helga Rakel Rafnsdóttir leikstýra myndinni. Ein Doris mynd í fullri lengd er í þróun og hefur nú þegar hlotið tvo af þremur handritsstyrkum Kvikmyndamiðstöðvar en handritið er eftir Sóley Kaldal og Dögg Mósesdóttir mun leikstýra myndinni. Doris verkefnið hefur nú þegar breytt heilmiklu fyrir konur í kvikmyndagerð á Íslandi með því að skapa eftirpurn eftir konum í fleiri stöður við gerð kvikmynda líkt og það gerði fyrir tæplega 20 árum síðan í Svíþjóð þar sem staða kynjanna er jöfnust í faginu á heimsvísu.