Aðalfundur Wift verður haldinn fimmtudaginn 20.nóvember á Hótel Öldu Laugavegi 66-68 frá kl. 20.00-22.00. Á dagskrá fundarins eru m.a: Ávarp formanns um störf stjórnar undanfarin ár. Kynning á Vinnustofa Wift, mánaðalegir fyrirlestrar með íslensku fagfólki fyrir félagskonur. Kynning á vinnurými Wift og Doris verkefninu. Fjárhagsstaða samtakanna. Ársgjald ákveðið og fjárhagsstefna. Ný áherslumál Wift (hér verður opnað fyrir umræður). 100 ára kosningarafmæli kvenna árið 2015, hvað ætlar Wift að gera?? Kosning á stjórn. Samkvæmt lögum Wift hafa þær konur kosningarétt á fundinum sem hafa greitt félagsgjöld. Þar sem Wift hefur ekki rukkað félagsgjöld til nokkura ára er nóg að hafa greitt skráningargjald Wift. Við viljum hvetja sem flestar til að greiða skráningargjaldið og styðja þannig starf Wift í verki en félagið hefur nú verið fjársvelt lengi og almennur kostnaður vegna félagsins lent á stjórnarmeðlimum. Skráningargjald Wift fer upp í ársgjald Wift en ársgjaldið verður ákveðið á fundinum. Skráningargjald Wift er aðeins 1000 krónur og viljum við biðja félagskonur um að millifæra gjaldið inn á bankareikning Wift (kt: 620906 0690 RN: 0101 26 060690) fyrir fundinn og senda tölvupóst á wift@wift.is til að staðfesta greiðsluna. Eftir fundinn verður haldið áfram óformlegum umræðunum yfir drykk á Bar Hótel Öldu. Við hlökkum til að sjá ykkur, vonandi sem flestar. Kv, Stjórn Wift (Dögg Mósesdóttir, Silja Hauksdóttir, Kristín Jóhannesdóttir, Marsibil Sæmundardóttir og Vera Sölvadóttir) www.wift.is Viðburðurinn á facebook

Félagsstarf Archives

Q: RAGNA FOSSBERG HEIÐURSFÉLAGI

Fyrir skömmu hélt WIFT á Íslandi sína fyrstu árshátíð og við það tilefni var Ragna Fossberg gerð að nýjum heiðursfélaga samtakanna. Fyrir hafa samtökin heiðrað kvikmyndagerðarkonuna Hrafnhildi Gunnarsdóttur og Margréti Örnólfsdóttur handritshöfund. Ragna Fossberg er flestum Íslendingum kunn enda á hún heiðurinn af gervahönnun margra af ástsælustu persónum íslenskrar sjónvarpssögu. Ragna hóf störf á Ríkissjónvarpinu (nú RÚV) árið 1971 og starfaði þar til ársins 2018. Einnig hefur Ragna starfað við fjölda leikinn a kvikmynda, jafnt innlendar sem erlendar. Hún hefur unnið til 7 Edduverðlauna fyrir starf sitt auk þess sem hún hlaut heiðursverðlaun Eddunnar árið 2016. Því fer fjarri að Ragna sé hætt í bransanum og framundan eru skemmtileg og krefjandi verkefni á borð við sjónvarpsseríuna Ráðherrann sem fer í tökur nú eftir páska. Til hamingju Ragna!

Q: Skráðu þig í Wift

Ert þú kona á íslandi sem starfar eða stundar nám við kvikmynda- og/eða sjónvarpsgerð? Ert þú þá ekki örugglega búin að skrá þig í WIFT? Það hefur aldrei verið eins auðvelt og mikilvægt og það er núna! Skráðu þig hér! Allar félagskonur fá 25% afslátt í Bíó Paradís og aðgang að tengslaneti Wift sem starfar í 40 löndum og er með yfir 10.000 meðlimi. Að auki skipuleggur stjórn Wift aðgerðir og viðburði sem innihalda m.a. mánaðarlega hittinga, árshátíð Wift, fréttabréf og vinnusmiðjur og fleira sem m un nýtast félagskonum. Ný stjórn Wift mun halda áfram að berjast fyrir auknu vægi og sýnileika félagskvenna m.a. með áframhaldandi samstarfi við Menntamálaráðuneytið, Kvikmyndaráð og Kvikmyndasjóð og aðra ábyrgðaraðila innan fagsins í átt að jöfnuði. Til að geta staðið sterkar sem félag verðum við að sýna að við erum með öfluga félagaskrá. Endilega hvetjið aðrar konur sem þið þekkið í faginu til að skrá sig. Þitt nafn skiptir máli.

Q: Ársgjald ákveðið á aðalfundi

Aðalfundur Wift var haldinn á Hótel Öldu þann 20. nóvember síðastliðinn. Stjórn félagsins var endurkjörinn en formaður er Dögg Mósesdóttir og í stjórn eru Silja Hauksdóttir, Vera Sölvadóttir, Marsibil Sæmundardóttir og Kristín Jóhannesdóttir. Nýjir varamenn eru Harpa Fönn Sigurjónsdóttir og Eydís Eir Björnsdóttir. Ákveðið var ársgjald félagsins að upphæð 3000 krónur. Ársgjaldið tekur gildi 1.janúar næstkomandi. Félagskonur sem hafa greitt félagsgjöld hafa m.a. forgang í vinnurými Wift í Miðstöð Skapandi greina og fá ódýrari aðgang að fyrirhuguðum fyrirlestrum og vinnustofum sem félagið stefnir á að halda á næsta ári. Stefnt er að hópmyndatöku Wift þann 15. desember kl. 18.00 en frekari upplýsingar um myndatökuna verða sendar á félagskonur með fyrirvara. Í janúar verður sendur reikningur í heimabanka allra félaga á skrá.