Salóme Herdís Fannberg hætti að búa til list til að geta sinnt lífinu. Núna er það listin sem heldur henni lifandi. Salóme Herdís Fannberg, er veflistakona á sextugsaldri. Þrátt fyrir mikil veikindi vefur hún í gríð og erg. Ég man varla eftir henni öðru vísi en fyrir framan vefstólinn. Samt hætti hún að vefa í tuttugu og þrjú ár til að geta sinnt börnunum sínum. Salóme er sex barna móðir, feðurnir eru fjórir menn frá fjórum löndum. Það er ég sem er elst. Listin var mikilvægur hluti æsku minnar og á meðan mamma vefaði eyddi ég stundum mínum hinum megin við vefstólinn þar sem ég fylgdist með henni í gegnum þræðina. Í dag er ég komin til Íslands til að fylgjast með henni í annað sinn, til að kvikmynda hana. Við höfum ekki búið undir sama þaki síðan ég var unglingur. Sjálf er ég þrjátíu og fimm ára og barnlaus, með þann draum heitastann að búa til bíó. Mamma hefur ekki mikinn áhuga á að vera kvikmynduð. Undir spurningafóði dóttur sinnar, verður Salóme meðvituð og vill sem minnst gefa uppi, hvort sem um ræðir listina, lífið eða veikindin. Ég gerist ágeng og beini myndavélinni að henni án miskunnar. Mamma heldur fast í sitt. Hér takast ekki aðeins á móðir og dóttir, heldur leikstjóri og viðfangsefni með sinn eigin vilja. Í þessu ástandi átaka, verður tíminn skyndilega mikilvægur. Mamma er veik og klukkan tifar. Við tekur ástand berskjöldunar. Hvað mun Salóme skilja eftir sig? Hvað skiljum við eftir okkur almennt? Þessi mynd er fundur á milli mín og móður minnar – þar sem við mætumst og tökumst á um lífið og listina, skilning og misskilning, húmor og væntingar. Um myndina Flokkur: Heimildamynd Frumsýnd: 7. nóvember, 2014, Bíó Paradís Frumsýnd erlendis: 21. september, 2014, Nordisk Panorama Lengd: 58 mín. Aðstandendur og starfslið Leikstjórn: Yrsa Roca Fannberg Handrit: Yrsa Roca Fannberg Stjórn kvikmyndatöku: Yrsa Roca Fannberg Klipping: Yrsa Roca Fannberg , Stefanía Thors , Federico Delpero Bejar , Nuria Ezquerra Tónlist: Ólöf Arnalds Aðalframleiðandi: Helga Rakel Rafnsdóttir Meðframleiðandi: Emelie Carlsson Gras Fyrirtæki Framleiðslufyrirtæki: Skarkali ehf. , Estudi Playtime Meðframleiðslufyrirtæki: E.Film , Film i Skåne Styrkt af: Kvikmyndamiðstöð Íslands , Hlaðvarpinn Þátttaka á hátíðum Edduverðlaunin / Edda Awards, 2015 - Verðlaun: Tilnefnd fyrir heimildarmynd ársins. Docpoint - Helsinki Documentary Film Festival, 2015 Tartu World Film Festival, 2015 Millenium International Documentary Film Festival, Brussel, 2015 L'Europe autour de l'Europe, París, 2015 Balkankult Foundation, Belgrad, 2015 Play-Doc International Documentary Film Festival, Tui, Spáni, 2015 Sczecin European Film Festival, 2014 - Verðlaun: Most moving film. Festival Internacional de Cine de Cali, 2014 IFFEST Document.Art., 2014 Nordische Filmtage Lübeck, 2014 L'Alternativa Festival de Cinema Independent de Barcelona, 2014 Skjaldborg, 2014 - Verðlaun: Besta myndin. Nordisk Panorama, 2014 - Verðlaun: Besta norræna heimildamyndin.

Tvíhliða verkefni sem sameinar myndlist og kvikmyndir. Það samanstendur af 53 mínútna kvikmynd og fjölskjáa innsetningu sem fylgir eftir farandmyndlistarsýningu. Innblásturinn eru verk Hreins Friðfinnssonar og myndin rannsakar hið óræða eðli tíma og minnis. Vísindamaðurinn Aika vinnur á rannsóknarstofu Tímans í Finnlandi. Hún afhjúpar baksögu tilraunar sem fól í sér að tvíburabræður voru aðskildir í barnæsku og látnir vaxa úr grasi á ólíkum stöðum. Tíminn leiddi í ljós að þeir eltust með mismunandi hætti vegna ólíkrar afstöðu þeirra gagnvart þyngdaraflinu; yngri bróðirinn býr á fjalllendu Íslandi en sá eldri býr á flatlendinu í Hollandi. Um myndina Flokkur: Heimildamynd Frumsýnd: 5. apríl, 2014 Frumsýnd erlendis: 1. febrúar, 2014, Docpoint - Helsinki Documentary Film Festival Tegund: Tilraunamynd Lengd: 60 mín. Tungumál: Finnska, Íslenska, Enska Titill: æ ofaní æ Aðstandendur og starfslið Leikstjórn: Ragnheiður Gestsdóttir , Markús Þór Andrésson Handrit: Ragnheiður Gestsdóttir , Markús Þór Andrésson Stjórn kvikmyndatöku: Arnar Þórisson Aðalframleiðandi: Hlín Jóhannesdóttir Meðframleiðandi: Sami Jahnukainen Leikarar Aðalhlutverk: Hreinn Friðfinnsson , Magnús Logi Kristinnsson , Kati Outinen , Margrét Bjarnadóttir , Sigríður Nanna Heimisdóttir , Þorlákur Einarsson Fyrirtæki Framleiðslufyrirtæki: LoFi Productions Meðframleiðslufyrirtæki: Mouka Filmi Styrkt af: Kvikmyndamiðstöð Íslands Þátttaka á hátíðum Göteborg Film Festival, 2015 Docpoint - Helsinki Documentary Film Festival, 2014

Heimildarmyndin Höggið fjallar um aðdraganda, atburðarás og eftirmál hörmulegs sjóslyss á jólanótt árið 1986 þegar íslenskt flutningaskip, M/S Suðurland, fórst norður í Atlandshafi. Um borð voru 11 manns en þeir fimm sem lifðu slysið af þurftu að hafast við í rifnum gúmbjörgunarbát hálffullum af sjó í einar 14 klukkustundir þar til hjálp barst. Margar þjóðir tóku þátt í björguninni en Danir náðu með naumundum að bjarga mönnunum. Hin opinbera skýring á orsökum slyssins var lélegur frágangur síldartunna en ekki hefur þrátt fyrir það tekist að útiloka sögusagnir um að hugsanlega hafi kafbátur átt þátt í því að Suðurlandið fórst. Um myndina Flokkur: Heimildamynd Frumsýnd: 28. desember, 2014 Lengd: 75 mín. Tungumál: Íslenska Aðstandendur og starfslið Leikstjórn: Ágústa Einarsdóttir Handrit: Ágústa Einarsdóttir , Helena Einarsdóttir , Birna Paulina Einarsdóttir Stjórn kvikmyndatöku: Björgvin Helgi Möller Pálsson Klipping: Ágústa Einarsdóttir Tónlist: Birgir Hilmarsson Aðalframleiðandi: Birna Paulina Einarsdóttir , Helena Einarsdóttir , Ágústa Einarsdóttir Leikarar Aukahlutverk: Emil Freyr Freysson Hólmsteinn Brekkan Kristján Sveinsson Ingólfur Arnar Björnsson Þorsteinn Gunnar Bjarnason Sigurður Guðmann Diðriksson Magnús Guðfinnsson Bjartur Guðmundsson Hafsteinn Gunnar Hafsteinsson Björn Karlsson Ervin Shala Fyrirtæki Framleiðslufyrirtæki: Elf Films Styrkt af: Kvikmyndamiðstöð Íslands Þátttaka á hátíðum Edduverðlaunin / Edda Awards, 2015 - Verðlaun: Heimildarmynd ársins. Nordische Filmtage Lübeck, 2015

Á gistiheimilinu Fit í Njarðvík er rekið flóttamannahæli. Þar hafast við hælisleitendur frá ólíkum heimhornum sem hafa flúið heimalönd sín vegna stríðs, ofsókna, eða annarra hörmunga. Þeir koma frá Afghanistan, Írak, Íran, Rússlandi, Máritaníu, Súdan, Alsír o.s.frv. Margir hafa dvalið þar árum saman á með mál þeirra þvælast í kerfinu. Fylgst er með nokkrum einstaklingum af þeim 20 sem þar hafa dvalið lengur en í ár. Líf þeirra einkennist af örvæntingu og hræðslu, óvissu og reiði. Enginn veit sín örlög, þeir bíða eftir svörum frá íslenskum yfirvöldum um hvort þeir fái dvalarleyfi hér á landi, eða verði sendir til baka. Um myndina Flokkur: Heimildamynd Frumsýnd: 13. mars, 2013 Lengd: 60 mín. Tungumál: Enska, Íslenska Titill: Fit Hostel Aðstandendur og starfslið Leikstjórn: Ingvar Þórisson , Kolfinna Baldvinsdóttir Handrit: Kolfinna Baldvinsdóttir Klipping: Þuríður Einarsdóttir Tónlist: Megas og Senuþjófarnir Aðalframleiðandi: Ingvar Þórisson Fyrirtæki Framleiðslufyrirtæki: Hugo Film Styrkt af: Kvikmyndamiðstöð Íslands , Iðnaðarráðuneytið , Mannréttindaráð Reykjavíkur Þátttaka á hátíðum Edduverðlaunin / Edda Awards, 2014 - Verðlaun: Tilnefnd fyrir heimildarmynd ársins.

Fjórtán Íslendingar á áttunda ári eru viðfangsefni myndarinnar 7 ár, sem er innblásin af hinni víðfrægu þáttaröð Michael Apted - Up. Börnin eru hvaðanæva að af landinu, bæði úr sveit og borg. Öll börnin voru heimsótt og tekin tali á heimilum sínum sem og í skólanum. Hvernig menning og samfélag endurspeglast í sínum yngstu þátttakendum er nokkuð fyrirferðarmikill þáttur í myndinni og málefni á borð við kynjahlutverk, trúarbrögð og stjórnmál eru tekin fyrir. Stærstum hluta myndarinnar er þó varið í að reyna að miðla persónuleika, vonum og væntingum hvers barns. Myndin er hugsuð sem fyrsta innslag í þáttaröð sem á að vara næstu áratugi. Ætlun hennar er að fá sömu viðmælendur í viðtal á sjö ára fresti og skrásetja uppvaxtar- og þroskasögu þeirra. Um myndina Flokkur: Heimildamynd Lengd: 62 mín. 47 sek. Tungumál: Íslenska Aðstandendur og starfslið Leikstjórn: Áslaug Einarsdóttir , Davíð Alexander Corno Handrit: Áslaug Einarsdóttir , Davíð Alexander Corno Stjórn kvikmyndatöku: Ómar Jabali Klipping: Áslaug Einarsdóttir , Davíð Alexander Corno Tónlist: Sveinbjörn Thorarensen Aðalframleiðandi: Anna María Karlsdóttir , Hrönn Kristinsdóttir Meðframleiðandi: Davíð Alexander Corno , Áslaug Einarsdóttir , Sveinbjörn Thorarensen Fyrirtæki Framleiðslufyrirtæki: Ljósband ehf Meðframleiðslufyrirtæki: Október Films Styrkt af: Kvikmyndamiðstöð Íslands , Nýsköpunarsjóður námsmanna Sýningar í sjónvarpi Ísland: RÚV, 2012

Heimildamyndir Archives - Page 2 of 8

Salóme, 2014

Salóme Herdís Fannberg hætti að búa til list til að [...]

By Marianna Fridjonsdottir|2016-11-27T13:22:42+00:00nóvember 27th, 2016|Heimildamyndir|

æ ofaní æ, 2014

Tvíhliða verkefni sem sameinar myndlist og kvikmyndir. Það samanstendur af [...]

By Marianna Fridjonsdottir|2016-11-27T13:10:48+00:00nóvember 27th, 2016|Heimildamyndir|

Höggið, 2013

Heimildarmyndin Höggið fjallar um aðdraganda, atburðarás og eftirmál hörmulegs sjóslyss [...]

By Marianna Fridjonsdottir|2016-11-27T13:11:20+00:00nóvember 27th, 2016|Heimildamyndir|

Holding Hands for 74 Years, 2013

Um myndina Flokkur: Heimildamynd Frumsýnd: 5. apríl, 2014, Bíó Paradís [...]

By Marianna Fridjonsdottir|2016-11-27T12:53:09+00:00nóvember 27th, 2016|Heimildamyndir|

St. Sig: Strigi og flauel, 2013

St. Sig: Strigi og flauel er heimildamynd um ævi og [...]

By Marianna Fridjonsdottir|2016-11-27T12:47:42+00:00nóvember 27th, 2016|Heimildamyndir|

Fit Hostel, 2013

Á gistiheimilinu Fit í Njarðvík er rekið flóttamannahæli. Þar hafast [...]

By Marianna Fridjonsdottir|2016-11-27T12:37:36+00:00nóvember 27th, 2016|Heimildamyndir|

Baráttan um landið, 2012

Baráttan um landið er saga landsins, sem áætlað er að [...]

By Marianna Fridjonsdottir|2016-11-27T12:25:28+00:00nóvember 27th, 2016|Heimildamyndir|

Hrafnhildur: Heimildamynd um kynleiðréttingu, 2012

„Kynleiðrétting er ekki val, hún er nauðsyn,“ segir Hrafnhildur sem [...]

By Marianna Fridjonsdottir|2016-11-27T12:16:01+00:00nóvember 27th, 2016|Heimildamyndir|

Ibba & Jósa – matargerð með hjarta og sál, 2012

Á götuhorni einu í Þingholtunum í Reykjavík starfa tvær konur [...]

By Marianna Fridjonsdottir|2016-11-27T12:08:54+00:00nóvember 27th, 2016|Heimildamyndir|

7 ár, 2011

Fjórtán Íslendingar á áttunda ári eru viðfangsefni myndarinnar 7 ár, [...]

By Marianna Fridjonsdottir|2016-11-27T11:45:20+00:00nóvember 27th, 2016|Heimildamyndir|