Aðalfundur Wift verður haldinn fimmtudaginn 20.nóvember á Hótel Öldu Laugavegi 66-68 frá kl. 20.00-22.00. Á dagskrá fundarins eru m.a: Ávarp formanns um störf stjórnar undanfarin ár. Kynning á Vinnustofa Wift, mánaðalegir fyrirlestrar með íslensku fagfólki fyrir félagskonur. Kynning á vinnurými Wift og Doris verkefninu. Fjárhagsstaða samtakanna. Ársgjald ákveðið og fjárhagsstefna. Ný áherslumál Wift (hér verður opnað fyrir umræður). 100 ára kosningarafmæli kvenna árið 2015, hvað ætlar Wift að gera?? Kosning á stjórn. Samkvæmt lögum Wift hafa þær konur kosningarétt á fundinum sem hafa greitt félagsgjöld. Þar sem Wift hefur ekki rukkað félagsgjöld til nokkura ára er nóg að hafa greitt skráningargjald Wift. Við viljum hvetja sem flestar til að greiða skráningargjaldið og styðja þannig starf Wift í verki en félagið hefur nú verið fjársvelt lengi og almennur kostnaður vegna félagsins lent á stjórnarmeðlimum. Skráningargjald Wift fer upp í ársgjald Wift en ársgjaldið verður ákveðið á fundinum. Skráningargjald Wift er aðeins 1000 krónur og viljum við biðja félagskonur um að millifæra gjaldið inn á bankareikning Wift (kt: 620906 0690 RN: 0101 26 060690) fyrir fundinn og senda tölvupóst á wift@wift.is til að staðfesta greiðsluna. Eftir fundinn verður haldið áfram óformlegum umræðunum yfir drykk á Bar Hótel Öldu. Við hlökkum til að sjá ykkur, vonandi sem flestar. Kv, Stjórn Wift (Dögg Mósesdóttir, Silja Hauksdóttir, Kristín Jóhannesdóttir, Marsibil Sæmundardóttir og Vera Sölvadóttir) www.wift.is Viðburðurinn á facebook

Í vor efndi Wift og Doris Film á Íslandi til handritasamkeppni meðal kvenna. Doris film verkefnið er aðlögun að sænsku verkefni sem hófst árið 1999 og ól af sér níu stuttmyndir og kennsluefni um kynjahlutföll í kvikmyndum og nú liggja úrslit fyrir. Í Svíþjóð komu inn 406 tillögur í keppnina sem fór þvert á það sem kvikmyndamiðstöð þar í landi hafði haldið fram; að konur bara skrifi ekki. Doris Film á Íslandi hlaut styrk úr Framkvæmdasjóði til jafnréttismála sem varð til þess að verkefnið fór af stað hér á landi en verkefnastjóri er Dögg Mósesdóttir. Þátttakan hér heima fór fram úr björtustu vonum en alls bárust 102 sögur keppninni sem er enn betri árángur en í Svíþjóð ef miðað er við hina "frægu" höfðatölu. Sett var saman 10 manna dómnefnd, framleiðenda, leikstjóra og handritshöfunda. Kynjahlutföll dómnefndarinnar voru öfugt við það sem tíðkast í kvikmyndageiranum, 8 konur og 2 karlar en oft er talað um að aðeins 20% starfa innan kvikmyndageirans séu í höndum kvenna. Dómnefndina skipuðu framleiðendurnir Anna María Karlsdóttir, Guðrún Edda Þórhannesdóttir, Hanna Björk Valsdóttir, Hlín Jóhannesdóttir, Hrönn Kristinsdóttir, Rakel Garðarsdóttir, Nanna Kristín Magnúsdóttir, Baldvin Z leikstjóri og Óttar M. Norðfjörð handritshöfundur. Sautján handrit hlutu hæstu einkunn dómnefndar en af þeim voru ellefu valin til úrslita. Samkeppnin var nafnlaus í fyrstu umferð, en allar sögur þurftu að hafa a.m.k eina kvenpersónu í aðalhlutverki. Verkefnið verður unnið í samvinnu við Noreg og stefnan er að í kringum 5 handrit fari í framleiðsluferli. Myndirnar verða unnar eftir Doris Film sáttamálanum þar sem allar myndirnar eiga að hafa, í það minnsta, eina konu í aðalhlutverki, allar listrænar ákvarðanir og aðalábyrgðarstöður eiga vera í höndum kvenna og öll frumsamin tónlist á að vera samin af konum. Wift og Doris Film á Íslandi vilja þakka öllum sem tóku þátt en margar góður sögur bárust keppninni sem geta vonandi átt framhaldslíf utan Doris. Við birtum hér annars vegar lista yfir þær 17 sögur sem fengu hæstu einkunn hjá dómnefnd og hins vegar þær 11 sögur sem komust áfram í úrslit: Borgarbarnið Júlía, Andartakið, Geymt en ekki gleymt, Græðlingur, One of them, Qividoq, Sex á stofu, Type and release, Uppljómað sálarástand klaufdýra, Þessi besti aldur, Frosin, Endurfæðing, Eikí Breikí Hjarta, Illska, Kvalfjörður, Sublime-inal, Dúfnaskítur á reglugerðunum Af þessum sögum komust eftirfarandi 11 sögur í úrslit: " Borgarbarnið Júlía" eftir Bjargeyju Ólafsdóttur, "Andartakið" eftir Ástu Hafberg, "Geymt en ekki gleymt" eftir Brynju Dögg Friðriksdóttur, "Græðlingur" eftir Elsu Maríu Jakobsdóttur, "One of them" eftir Evu Sigurðardóttur, "Qividoq" eftir Sóleyju Kaldal, "Sex á stofu" eftir Ásdísi Sólrúnu Halldórsdóttur, "Type and release" eftir Söru Sigurbjörns- og Öldudóttur, "Uppljómað sálarástand klaufdýra" eftir Lilju Sigurðardóttur, "Þessi besti aldur" eftir Ísgerðir Elfu Gunnarsdóttur og "Frosin" eftir Ýr Þrastardóttur Við óskum höfundum innilega til hamingju!

wift wift, Author at wift

Q: Ársgjald ákveðið á aðalfundi

Aðalfundur Wift var haldinn á Hótel Öldu þann 20. nóvember síðastliðinn. Stjórn félagsins var endurkjörinn en formaður er Dögg Mósesdóttir og í stjórn eru Silja Hauksdóttir, Vera Sölvadóttir, Marsibil Sæmundardóttir og Kristín Jóhannesdóttir. Nýjir varamenn eru Harpa Fönn Sigurjónsdóttir og Eydís Eir Björnsdóttir. Ákveðið var ársgjald félagsins að upphæð 3000 krónur. Ársgjaldið tekur gildi 1.janúar næstkomandi. Félagskonur sem hafa greitt félagsgjöld hafa m.a. forgang í vinnurými Wift í Miðstöð Skapandi greina og fá ódýrari aðgang að fyrirhuguðum fyrirlestrum og vinnustofum sem félagið stefnir á að halda á næsta ári. Stefnt er að hópmyndatöku Wift þann 15. desember kl. 18.00 en frekari upplýsingar um myndatökuna verða sendar á félagskonur með fyrirvara. Í janúar verður sendur reikningur í heimabanka allra félaga á skrá.